બચ્ચન ફેમિલી સાથે બેઠેલી આ ક્યૂટ છોકરીને ઓળખી? આજે છે બોલિવુડની જાણીતી એક્ટ્રેસ

સૈફ અલી ખાન અને અમૃતા સિંહની દીકરી સારા અલી ખાનનો બાળપણનો એક વીડિયો વાયરલ થઈ રહ્યો છે. વીડિયોમાં સારા અલી ખાન એક અવોર્ડ શોમાં જોવા મળે છે. નાનકડી સારા અવોર્ડ શોમાં દાદી શર્મિલા ટાગોર સાથે બેઠી છે. તો વીડિયોમાં સારાની સાથે બચ્ચન ફેમિલી પણ જોવા મળે છે. ઓરેન્જ રંગના ડ્રેસમાં સારા એકદમ માસૂમ લાગી રહી છે. તસવીરમાં સારાની સાથે દાદી શર્મિલા ટાગોર બ્લેક સાડીમાં જોવા મળે છે.

સારાનો આ વીડિયો તેના ફેનક્લબ દ્વારા શેર કરવામાં આવ્યો છે. વીડિયોમાં સારાની બાજુમાં અભિષેક બચ્ચન, જયા બચ્ચન અને બિગ બી બેઠેલા જોવા મળે છે. સારા અવોર્ડ ફંક્શન એન્જોય કરતી જોવા મળે છે. સારાના બાળપણની ઝલક બતાવતો આ વીડિયો સોશિયલ મીડિયા પર વાયરલ થઈ રહ્યો છે. આજે હોટ અને બ્યૂટીફુલ લાગતી સારા બાળપણમાં ખૂબ જ ક્યૂટ લાગતી હતી.

સારાના ચહેરાની માસૂમિયત આજે પણ જોવા મળે છે. સમયની સાથે સારાની ખૂબસુરતી નિખરી છે. સારા અલી ખાનનું વજન કોલેજના સમયગાળા દરમિયાન ખૂબ વધારે હતું. ફિલ્મ ઈન્ડસ્ટ્રીમાં એન્ટ્રી કરવા સારાએ ખાસ્સું વજન ઉતાર્યું છે. આજે સારાનું નામ બોલિવુડની યંગ અને ગ્લેમરસ એક્ટ્રેસમાં સામેલ છે.

સારા અલી ખાને 2018માં ફિલ્મ ‘કેદારનાથ’થી બોલિવુડમાં ડેબ્યૂ કર્યું હતું. સારાએ પહેલી જ ફિલ્મથી સાબિત કરી દીધું કે દાદી શર્મિલા ટાગોર અને મમ્મી-પપ્પાની જેમ તે ખૂબ ટેલેન્ટેડ છે. સારાના અપકમિંગ પ્રોજેક્ટ્સમાં ઈમ્તિયાઝ અલીની ફિલ્મ અને ‘કુલી નંબર 1’ સામેલ છે. સુશાંત સિંહ રાજપૂત અને રણવીર સિંહ સાથે સ્ક્રીન શેર કર્યા બાદ સારા કાર્તિક આર્યન અને વરુણ ધવન સાથે કામ કરી રહી છે.